Pahumaan Hambuko

Assalamualaikum.. barata'an ne ada gambar pahumaan di kampung bini ku, di hambuko/Rantau Karau tengah .. Orang disana imbah kulihat rami batanam , maiwak, dan lain lain. Disana kulihat kada larang penghidupan lain kaya dibuntok ne larang kada mayu 5000 Rupiah Gasan batutukar. tapi babaya aku tulak ka hambuku bajalanan wadah mintuha ku 5000 tu kawa sahariyanan manukar iwak 3000ribu Sayur kacang sababat 1000 , waluh hirisannya ganal 1000ha jua tahan gasan ka malam makanan . Nah buhannya lah di hambuku tu bilanya bisa bahuma lawan manimbai lunta atawa maunjun nyamanai hidup lawan sugih kawa maahemat cocok haja di hambuku tu pagawainya sugih-sugih napa saraba murah pang bahan pokoknya jadi kawa haja manyisiskan duit gasan modal kah atawa manabung , tapi jua banyak jua yang sugih bainguan itik yang bahintaloan di jual hintalonya. . . .digaduh itiknya dangsanakai>.....hehehehe sambil tatawa ja kita lah biar awet Muda kita ne. Disana orang rami jua sakalinya maambil upah batanam 15ribu satangah harianan babinian lawan lalakian rami turunan batanam bahuma nang babinian dampul pupur supaya kada latat muha jar lalakian biasaai rupanya sudah hirang jua jar jadi kada usah bapupuran jar....nah demikian info masalah di hambuko selama aku disana sambil meneliti jua kehidupan orang di kampung..... tunggu ada haja info selanjutnya